ជំងឺ​អាត្មា​និយម

Cartoon-Hole in the boatជំងឺ​អាត្មានិយ​ម​បាន​ចាក់​ឬសគល់​យ៉ាង​ជ្រៅ​ក្នុង​ស្រទាប់​ប្រជា​ពលរដ្ឋ​ខ្មែរ​មួយ​ចំនួន​ធំ យើង​អាច​មើល​ឃើញ​តាម​រយៈ​ការ​ប្រតិបត្តការងារ​ប្រចាំថ្ងៃ។ ពី​មួយ​ថ្ងៃ​ទៅ​មួយ​ថ្ងៃ​ យើង​សង្កេត​ឃើញ​ថា​ ភាព​អាត្មានិយម​កាន់​តែ​អាក្រក់ទៅ បើ​ទោះ​បី​ជា​យើង​ឃើញថា​មាន​ការ​ជួយ​គ្នា​ខ្លះ​ក្នុង​សង្គមក៏ដោយ។ ជំងឺ​អាត្មានិយម​នេះ​បាន​រីក​រាល​ដាល​ដល់​​បក្ស​ ដល់​រដ្ឋា​ភិបាល វិស័យឯកជន​ និង​ជា​ពិសេស​គឺ​សង្គម​ស៊ីវិល​។

១. ជំងឺអាត្មា​និយម​ក្នុង​ចំណោម​ពលរដ្ឋ​ខ្មែរ​

ពលរដ្ឋ​ខ្មែរ​មួយ​ចំនួន​ធំ​តែងតែ​មាន​ទស្សនៈ​ថា “ងាប់​អាណាងាប់​ទៅ​កុំឲ្យ​តែ​ងាប់​អញនិង​ក្រុម​គ្រួសារ​អញ” យើង​អាច​សង្កេត​ឃើញ​តាម​រយៈ​ការ​លក់ដូរ​ចំណី​ប្រចាំថ្ងៃ​​(ប្រើប្រាស់​ផលិតផលគ្មាន​គុណ​ភាព​ លៀង​សម្អាត​បន្លែមិន​បាន​ស្អាតល្អ​ ប្រើ​ប្រាស់សារធាតុ​គីមី​ជំនួស…) ការ​ដាំ​ដំណាំឬ​ចិញ្ចឹម​សត្វសម្រាប់លក់ ការ​ធ្វើ​ដំណើរ​តាម​ផ្លូវ​ (បើក​បរ​បញ្ច្រាស់​ទិស មិន​គោរព​ស្លាកសញ្ញា ភ្លើង​សញ្ញា រុល​ទៅ​មុខ​មិនខ្វល់​ពី​អ្នកដទៃ​ ពេល​មាន​គ្រោះ​ថ្នាក់​មិន​ទទួល​ទទួល​ខុស​ត្រូវ​…) ការ​រំលោភ​យក​ដី​ កាប់​ព្រៃ​ឈើ កេង​ប្រវ័ញ្ច ឈ្នានីស រំលោភ​លើ​ចំណី​ថ្នល់ បោក​បន្លំ ពុករលួយ​…។ល។ ទាំងនេះ​ធ្វើឡើង​ដើម្បី​ភាព​រីក​ចម្រើន​នៃ​ខ្លួន​ឯង​និង​ក្រុម​គ្រួសារ​របស់​ខ្លួន។

 

២. ជំងឺ​អាត្មានិយម​កើត​ចេញ​ពី​រដ្ឋា​ភិបាល និង​បក្ស​នយោបាយ

ចំពោះ​រដ្ឋាភិបាល​វិញ​ក៏មិន​ណយ​ដែរ​ គឺ​ធ្វើ​អ្វី​ៗទាំងអស់ដើម្បី​តែ​ខ្លួន​ឯង​ជា​ពិសេស​គឺ​សម្រាប់​មនុស្ស​ដែល​ដឹក​នាំ​ស្ថាប័ន​ ជាក់​ស្តែង​ដូច​ជា​ការ​កសាងហេដ្ឋារចនា​សម្ព័ន្ធ​ ការ​ដោះ​ដូរ​ទីតាំង​របស់​រដ្ឋ ការ​តាកតែង​ច្បាប់ និទណ្ឌ​ភាព…។ ឧទាហរណ៍៖ ធ្វើ​ផ្លូវ​មួយ​ខ្សែ​ ដាក់​សួន​ច្បារ​កណ្តាល​ផ្លូវដ៏ធំ សំណួរសួរ​ថា​នរណា​ដើ​រ​លើ​សួន​ច្បារ​កណ្តាល​ផ្លូវ​នេះ​? ចម្លើយ​គឺ ដើម្បី​សោភ័ណ្ឌ​ភាព​ទីក្រុង​ឬ​តាម​ដង​ផ្លូវ តែ​ចម្លើយ​ជាក់លាក់​គឺ ​ទទួល​បាន​ប្រាក់​កម្រៃ​ពី​ថ្លៃ​ដាក់​ផ្សាយ​ពាណិជ្ជ​កម្ម​លើ​ផ្លូវ​នេះ។ យើងអាច​មើល​ឃើញ​នូវ​ទិដ្ឋ​ភាព​ផ្លូវ​៣០ម៉ែត្រ​ក្នុង​ខេត្ត​សៀម​រាប ទំហំ​សួន​ច្បារ​កណ្តាល​ផ្លូវ​ប៉ុនគ្នា​នឹង​ទំហំ​ទ្រូង​ផ្លូវ​សម្រាប់​បើក​បរ។ នៅ​លើ​សួន​នោះ​គ្មាន​អ្វី​ក្រៅ​តែ​ពី​អាចម័​ឆ្កែ​និង​សម្ភារៈរបស់​ពល​រដ្ឋ​ដែល​រស់​តាម​ដង​ផ្លូវ​នោះ​ដាក់​ហាល​ទេ។ ផ្លូវ​វ៉េងស្រេង​ សួន​ច្បារ​កណ្តាល​ទ្រូង​ផ្លូវ​អាច​បើក​រថ​យន្ត​ប្រភេទ​ទេសចរណ៍​បា​ន​មួយ​គ្រឿង​…។ ពេលខ្លះ​ អ្នក​ដឹកនាំ​យក​មុខ​យក​មាត់​ពី​ពល​រដ្ឋខ្លួន​ដើម្បី​តែ​អំណាច​ខ្លួន​ឯង​ប៉ុណ្ណោះ។ ឩទាហរណ៍៖ ករណី​កញ្ញា សាសា អ្នក​ដឹកនាំ​កំពូល​ៗនាំគ្នា​អន្តរាគម​ឲ្យជន​ល្មើស​ចេញខ្លួន​មក​ទទួល​ខុសត្រូវ​ចំពោះ​មុខ​ច្បាប់ តែ​ករណី​ផ្សេងទៀត​លំនាំ​គ្នា​ហ្នឹង​ដែរ​ត្រូវ​បាន​គេ​បំភ្លេច​ចោល​ដូចជា​ករណី​ អ្នក​ស្រី​ ពិសិដ្ឋ ពិលីកា ទូច​ ស្រីនិច្ច ពៅ​ បញ្ញាពេជ្រ សកម្ម​ជន​ជា​ស្ត្រី​នៅបឹងកក់ កម្មកររោងចក្រ​ដែល​ឈូក​ បណ្ឌិត​ បាញ់ជាដើម។

ងាក​មក​គណបក្ស​នយោបាយ​វិញ គណ​បក្សខ្លះ ដើម្បី​ក្រុម​ខ្លួន​បាន​បោក​ប្រាស់​ប្រជា​ពល​រដ្ឋ​ ធ្វើ​ប្រជា​ភិថុត​ រៃ​អង្គាសប្រាក់ ជេរ​រាស្ត្រ ​មិន​គោរព​តាម​ការ​សន្យា កេង​ប្រវ័ញ្ច​ពី​រាស្ត្រ​ដើម្បី​ធ្វើ​មាន​ធ្វើ​បាន​តែ​ខ្លួន​និង​បក្ស​ពួក​ខ្លួន​។ ​ពេល​ខ្លះ​ពួក​គេ​និយាយ​តែ​ល្អ​ពី​ខ្លួនឯង ចំណែក​អ្នក​ដទៃ​ខុស​ទាំងអស់។ ដើម្បី​មុខ​មាត់​សុខ​ចិត្ត​ក្លាយ​ជាឃាតករ ឬ​បំបិតសេរី​ភាព​របស់​អ្នក​ដទៃ ឬ​រាយការណ៍​បំផ្លើស​ការពិត ឬរាយការណ៍​គ្មាន​សល់អ្វី​ទាំងអស់។

៣. អង្គការ​មិន​មែន​រដ្ឋាភិបាល

អង្គការ​មិនមែន​រដ្ឋាភិបាល​ច្រើន​ជា​ង​២០០០​បាន​ចុះ​ឈ្មោះ​ និង​កំពុង​ដំណើរក្នុង​ប្រទេស។ ក្រៅ​ពី​បំពេញ​កាតព្វកិច្ច​មនុស្ស​ធ៌ម ការអភិវឌ្ឍ អប់រំ និង​តស៊ូមតិ… អង្គការ​/សមាគម​ខ្លះ​បាន​ចូល​រួម​កិច្ច​ការ​បក្ស​នយោបាយ​ ដើម្បី​លាភ​សក្ការៈ។ អង្គការ​/សមាគម​មួយចំនួន​បាន​កិប​កេង​ជំនួយ​ដែល​ផ្តល់​ដល់​ក្រុម​គោល​ដៅ​ជា​ស្ត្រី កុមារ ចាស់ជរា អ្នក​ជំងឺ ឬ​អ្នក​រងគ្រោះ​ដទៃ​ទៀត។ អង្គការ/សមាគម​ខ្លះ​ទៀត ដើម្បី​ជំនួយ​ត្រូវ​ចេះ​ផ្តួល​អង្គការ​ផ្សេងទៀត​ដែល​មាន​សកម្ម​ភាព​ការងារ​ប្រហាក់​ប្រហែល​គ្នា​ ឬ​ត្រូវប្រឹង​ប្រែង​បង្ហាញ​ថា​ស្ថាប័ន​របស់​ខ្លួន​ល្អ​ជា​ស្ថាប័ន​ដទៃ ជា​ពិសេស​មិន​ចេះ​ជួយ​គ្នា​ពេល​ដែល​មាន​បញ្ហាកើតឡើង។

យើង​អាច​ក្រលេក​ទៅ​មើល​ ការ​តស៊ូមតិ​ចំពោះ​ច្បាប់​ស្តី​អំពី​អង្គការ​/សមាគម និង​ច្បាប់​សហជីព មាន​អង្គការ​មិន​ច្រើន​ទេ​ដែល​ឈឺ​ឆ្អាល​នឹង​រឿង​នេះ​ ជាពិសេស​អង្គការ​ដែល​ធ្វើ​ការ​រឿង​សិទ្ធិមនុស្ស​ បរិស្ថាន ការ​តស៊ូមតិ ច្បាប់ ព្រៃ​ឈើ និងអង្គការ​សហគម​មួយ​ចំនួន ចំណែក​អង្គការ​ដែល​បម្រើ​ក្នុង​វិស័យ​សុខភាព​និង​ការ​អភិវឌ្ឍ​ដេក​លក់​អស់គ្នា​អើ​ពើ។ មាន​ប្រធាន​អង្គការ​មួយ​ប្រាប់​យើង​ថា វា​មិន​ប៉ះ​ពាល់​ដល់​ស្ថាប័ន​គាត់​ទេ ព្រោះ​គាត់​ធ្វើ​ការ​អប់​រំ​តែ​សុខភាព​និង​បញ្ជូន​អ្នក​ជំងឺ​ទៅ​រក​សេវា​ អ្នក​ដែល​ប៉ះពាល់​ខ្លាំង​នាំ​គ្នា​ធ្វើ​ទៅ​ ព្រោះ​វា​ជា​រឿង​របស់​ពួក​គេ។

កាល​ពី​ឆ្នាំ​២០១២ បន្ទាប់​ពី​ការ​សម្លាប់​លោក ឈុត វុទ្ធី មាន​អង្គការ​ជា​ច្រើន​គេ​សម្តែង​ការ​មិន​ពេញ​ចិត្ត​និង​ថ្កោល​ទោស​ដល់​ជន​ដៃ​ដល់និង​អ្នកបញ្ជា ពេលនោះមាន​ប្រធាន​សម្ព័ន្ធ​អង្គការ​មួយ​ដែល​ធ្វើ​ការងារ​ផ្តោតលើ​ជំងឺ​អេដស៍​ បន្ទាប់​ពី​ទទួល​បាន​សំណើរ​ពី​សមាជិកនិងអ្នកពាក់​ព័ន្ធ​​ថា វា​មិន​ពាក់​ព័ន្ធ​នឹង​កម្ម​វិធី​អេដស៍​នេះ​ទេ រឿង​នេះ​គួរតែ​អង្គការ​សិទ្ធិ​មនុស្ស​ជាអ្នក​ធ្វើ​ទៅ​បាន​ហើយ ចាំ​ពេល​ណា​អ្នក​ជំងឺអេដស៍​គ្មាន​ថ្នាំ​ផឹក គ្មាន​បាយ​ហូប​ទើប​វា​ជាការ​ងារ​របស់​ពួក​យើង។

៤. វិស័យ​ឯកជន​

ដើម្បី​សម្រេច​គោល​ដៅ​អាជីវកម្ម​របស់​ខ្លួន អ្នក​វិនិយោគ​ខ្លះ​មិន​ខ្វល់​ពី​សុខ​ភាព​ប្រជាជន មិន​ខ្វល់​ពី​ផល​ប៉ះពាល់សង្គម​អ្វីឡើយ។ ក្រុម​ហ៊ុន​ស្រា​បាន​ផ្សព្វ​ផ្សាយ​ដល់​អតិ​ថជន​របស់​ខ្លួន​អំពី​រង្វាន់​ដែល​បាន​មក​ដោយ​ងាយ ចំណែកពល​រដ្ឋ​ខ្មែរ​ដែល​ខ្វះ​ការពិចារណា​ខំ​នាំ​គ្នា​ផឹក​ដើម្បី​រង្វាន់ ផល​ប៉ះពាល​បាន​កើត​ឡើង​ដូច​ជា​ គ្រោះ​ថ្នាក់​ចរាច​រ​ រលៀក​ក្រពះ ពោះ​វៀន ហឹង្សា​ក្នុង​គ្រួសារ ចាប់រំលោភ…។ ក្នុង​ករណី​ខ្លះ អ្នក​វិនិយោគ​ទុន​ មិន​ខ្លាច​នឹង​រំលោភ​លើ​ច្បាប់​នោះ​ទេ​ ពួក​គេ​សុខ​ចិត្ត​ផ្តល់​លុយ​ទៅ​អ្នក​មាន​អំណាច​ការពារ​ផល​ប្រយោជន៍​របស់​ពួកគេ តែ​មិន​ផ្តល់​ប្រាក់​ខែ​សមរម្យ​សម្រាប់​កម្មករ​នោះទេ​។

 

ជំងឺអាត្មានិយម​នេះ​ អាច​រលត់​ទៅវិញ​បាន​លុះ​ត្រា​ណា​តែ​ខ្មែរ​ផ្លាស់​ប្តូរ​ការ​គិត ចាប់​ផ្តើម​អនុវត្ត​ច្បាប់​ឲ្យ​មាន​ប្រសិទ្ធភាព​ ហើយ​ច្បាប់​ត្រូវ​តាក់​តែង​ដើម្បី​មនុស្ស​គ្រប់គ្នា​មិន​មែន​សម្រាប់​ដាក់​ទោស​មនុស្ស​មួយ​ក្រុម​ណា​នោះ​ទេ។ ជា​រឿយៗ ការអប់រំ​គួរតែ​ត្រូវ​បាន​លើក​ស្ទួយនិង​ដាក់​បញ្ចូល​នូវ​កម្ម​វិធី​ល្អៗ ជា​គម្រូរ​សម្រាប់​មនុស្ស​ក្នុង​សង្គម​។ ប្រព័ន្ធផ្សព្វផ្សាយ​គួរតែ​បង្កើត​កម្ម​វិធី​អប់​រំ​ឲ្យ​បាន​ច្រើន​ជាងកម្ម​វិធី​កម្សាន្ត ឬផ្សព្វ​ផ្សាយ​ពាណិជ្ជកម្ម​ណាដែល​ប៉ះ​ពាល់​តម្លៃ​នៃ​ការ​រស់​នៅ​របស់​នុស្ស​។

Advertisements

តម្លៃ​អត្តសញ្ញាណប័ណ្ណ

១០០០០ រៀល ជា​តម្លៃ​កំណត់​សម្រាប់IMG_0714​ធ្វើ​អត្តសញ្ញាណប័ណ្ណសញ្ជាតិ​ខ្មែរ​ដល់​ពលរដ្ឋ ដែល​ចេញ​ដោយ​ក្រសួង​មហាផ្ទៃ​ តែ​ពលរដ្ឋ​និយាយ​ថា គាត់ចំណាយ​អស់​ច្រើន​ជាង​នេះ​ ដើម្បី​ធ្វើ​អត្តសញ្ញាណប័ណ្ណបាន។

ជារៀង​រាល់​ថ្ងៃ​ ពលរដ្ឋ​ដែល​គ្រប់​អាយុ​បាន​តម្រង់​ជួរ​គ្នា​ទៅ​ធ្វើ​អត្តសញ្ញាណប័ណ្ណ​ តែត្រូវ​បាន​បដិសេដ​ដោយ​យក​លេស​ថា​អស់​ទម្រង់ ឬ​លើស​ចំនួន​មនុស្ស តែ​អ្នក​ដែល​យល់​ចិត្ត​ចូល​ទៅ​និយាយ​បន្តិច​ ហើយភ្ជាប់​លុយ​ទៅ​នឹង​ឯកសារ​ដែល​ត្រូវ​ពិនិត្យ​ ទម្រង់​នោះ​ស្រាប់​តែ​ចេញ​មក​ដោយ​ឯកឯង។ ពលរដ្ឋ​ម្នាក់​ដែល​បាន​ដើ​រ​ចេញ​ពី​កន្លែង​ធ្វើ ដោយ​ទឹក​មុខ​រីក​រាយប្រាប់​ថា៖ ជាធម្ម​តា​ យើង​លំបាក​តែ​ពេល​ចាប់​ផ្តើម​ដំបូង​ប៉ុណ្ណោះ គឺ​នៅ​តុ​លេខ​១ (កន្លែង​ត្រួត​ពិនិត្យ​​ឯកសារ​និង​ចែក​ទម្រង់​) ពេល​ដែល​យើង​យក​បាន​ទម្រង់​ហើយ​ស្រួល​ណាស់។ តែ​ពិបាកយក​បន្តិច។

បើ​មិន​ឲ្យ​លុយ​ ធ្វើមិន​បាន។ ពួក​គេ​មិន​បាន​ទាម​ទារ​ពី​យើង​ទេ តែ​បើ​មិន​ឲ្យ​លុយ​​ គេ​មិនងាយ​ធ្វើ​ឲ្យ​យើង​ទេ។

ដោយ​សារ​តែ​ចំនួន​អ្នក​ដែលមក​ធ្វើ​ច្រើន ហើយ​ម្នាក់​ៗ​មាន​ការងារ​រៀងៗ​ខ្លួន​ ស្រប​ពេល​ដែល​មន្ត្រី​ធ្វើ​ការ​ងារ​ង៉ិង៉ក់ផង ពលរដ្ឋ​ត្រូវ​បង់​ប្រាក់​បន្ថែម​លើស​ពី​អ្វី​ដែល​សរសេរ​ក្នុង​ក្រដាស។ ស្រ្តីម្នាក់​មាន​ប្រសាសន៍​ថា ដាក់លុយ​ក្នុង​នោះ​ប៉ុន្មាន​គេ​យក​ប៉ុណ្ណឹង គេ​មិន​អាប់​ឲ្យ​វិញទេ។ បុរស​ម្នាក់​ដែល​ដើរ​ចេញ​មកពី​ប៉ុស្តិ៍ស្ទឹង​មានជ័យ​និយាយ​ទាំង​សម្លេង​សើច​តិចថា៖ បើ​មិន​ឲ្យ​លុយ​ ធ្វើមិន​បាន ខ្ញុំ​ចំណាយអស់​​៥៥០០០​រៀល​ទើប​ធ្វើ​បាន តុទី១​អស់​២០០០០​រៀល អ្នក​ជួយ​សរសេរ​៥០០០​រៀល ផ្តិត​មេដៃ​៥០០០​រៀល ផ្ទៀង​ផ្ទាត់​គល់​បញ្ជី ១០០០០​រៀល ផ្ទៀងផ្ទាត់ឯកសារ១០០០០​រៀល ថត​រូប​៥០០០​រៀល។ ពួក​គេ​មិន​បាន​ទាម​ទារ​ពី​យើង​ទេ តែ​បើ​មិន​ឲ្យ​លុយ​គេ​មិនងាយ​ធ្វើ​ឲ្យ​យើង​ទេ។

លំនាំ​គ្នា​នេះ បាន​កើត​ឡើង​នៅ​តាម​បណ្តា​ខេត្ត​នានា។ ជាទូ​ទៅ​មន្ត្រី​ដែល​ចុះ​ទៅ​ធ្វើ​អត្ត​សញ្ញាណ​ប័ណ្ណ​សញ្ជាតិ​ខ្មែរមិន​ទាម​ទារ​ប្រាក់​ពី​ប្រជាពល​រដ្ឋ​ទេ តែ​វា​ស្តែង​ចេញ​ជាសកម្ម​ភាព​ទៅ​វិញ ដូចជា៖ ខ្វះ​ក្រដាស ឈប់​ការងារ​មុន​ម៉ោង ទុក​ចោល​អ្នក​ដែល​មិន​បង់​លុយ​ ធ្វើ​ការងារ​មួយ​ៗ…។

 

បញ្ជាក់៖ អ្នក​ដែល​បាន​សម្ភាសន៍​សុទ្ធ​តែ​មិន​ហ៊ាន​ប្រាប់​អត្ត​សញ្ញាណរបស់​ពួក​គេ​!

កន្ទុយ​លេខ

_MG_0766រលកទីពីរ​បាន​បក​បោក​យ៉ាង​ខ្លាំង បន្ទាប់ពី​រលក​ទីមួយ​ស្ងប់​ស្ងាត់​មួយ​រយៈ​ដោយសារ​តែ​គោល​នយោបាយ​ភូមិ​ឃុំ​មាន​សុវត្ថិភាព​បាន​ដាក់​ចេញ ស្រប​ពេល​ដែល​នាយក​រដ្ឋ​មន្ត្រី​ប្រកាស​ឲ្យ​បញ្ឈប់​រាល់​សកម្មភាព​ល្បែង​ស៊ីសង​ឆ្នោត​ កន្ទុយលេខ ទូទាំងប្រទេស។

រាល់​ថ្ងៃ​ មនុស្ស​​ម្នា​រ​មួយ​ចំនួន​នៅ​តាម​ភូមិ​ឃុំ​បាន​អង្គុយ​ជុំ​នុំគ្នា​ ពិភាក្សា​អំពី​ការ​យល់​សុបិន្តពីយប់​ រួច​កាត់​ជា​លេខ​ហើយ​នាំ​គ្នា​ចាក់​កន្ទុយ​លេខ ចំណែក​អ្នក​ប្រតិបត្តិ​វិញ​ក៏​មិន​នៅ​ស្ងៀម​ដែរ​ ម្នាក់​មមាញឹក​ក្នុង​ការ​កត់​ត្រា​លេខ ប្រមូល​លុយ និង​ផ្ញើ​សារ​ទៅ​មេ​កន្ទុយលេខ​ឲ្យ​ទាន់​ពេល​វេលា​ ព្រោះ​មួយ​ថ្ងៃៗ​កន្ទុយ​លេខ​ចេញ​ដល់​ទី​៣​ដង​ឯណោះ។

ស្ត្រី​ម្នាក់​ដែល​កំពុង​លក់​បន្លែនៅ​ក្នុង​ភូមិមួយ​របស់​សង្កាត់​ស្ទឹង​មានជ័យ​ មាន​ទឹក​មុខ​មិន​សូវ​រីក​រាយ​បាន​ប្រាប់​ថា ថ្ងៃ​នេះ​មេ​ស៊ីអស់ ស៊ី​តាំងពី​ព្រឹក​មក​អស់​ជាង​ដប់​ម៉ឺន។ មាន​អ្នក​ភូមិ​ផ្សេង​ទៀត​ក៏​មាន​ស្ងាន​ភាព​មិន​ខុស​ពីគាត់​ប៉ុន្មាន​ទេ។ បុរសម្នាក់​មាន​ទឹក​មុខ​រីក​ស្រស់​ដូចគ្រាប់​ជី​ត្រាំទឹក​បាន​និយាយ​ថា៖ ថ្ងៃ​នេះ​ត្រូវ​កន្ទុយ​លេខ​៣លេខ បាន១០០០​ដើម ដែលគិត​ជា​រង្វាន់​ប្រមាណ​ ៦០០០០០​រៀល​។ តែ​នៅ​ពេល​សួរ​គាត់​ថា​ តើ​អ្នក​ត្រូវ​ឆ្នោត​ហ្នឹង​ញឹក​ញាប់​ទេ​ គាត់​បាន​និយាយ​ថា មិន​ទៀង​យូរ​ត្រូវ​ម្តង ពេល​ណាង​ហេង​ទៅ​ត្រូវ​២ដង​ក្នុង​មួយ​សប្តាហ៍។ អ្នក​ភូមិមួយ​ចំនួន​បាន​ខ្ចី​លុយ​ឯកជន​ មាន​ការ​ប្រាក់​ខ្ពស់​ដើម្បី​ធ្វើ​ជា​ដើមទុន​ក្នុង​ភ្នាល់​ចាក់​កន្ទុយ​លេខ​នេះ​។

កន្ទុយ​លេខ​អាច​ជាផ្នែកមួយនៃ​ឬសគល់​នាំ​មក​នូវ​ភាព​ក្រី​ក្រ

ក្រៅពី​កន្ទុយ​លេខ ឆ្នោត​យួន ត្រូវ​បាន​គេ​មើល​ឃើញ​ថា​មាន​វត្ត​មាន​យ៉ាង​គគ្រឹក​គគ្រេង​នៅ​ទី​ក្រុង​ភ្នំ​ពេញ ដែល​ពី​ដើម​ឡើយ​មាន​តែ​នៅ​តាម​បណ្តោយ​ព្រំ​ដែន​ខ្មែរ​ វៀតណាម​។ ឆ្នោត​ប្រភេទ​នេះ ចូល​មក​ស្រុក​ខ្មែរ​គ្មានច្បាប់​អនុញ្ញាតិ​នោះ​ទេ។ ជា​រៀងរាល់​ថ្ងៃ​ លុយ​រាប់​លានរៀល​ត្រូវ​បាន​គេ​ដឹក​ត្រលប់​ទៅ​ប្រទេស​វៀតណាម​វិញ​ តាម​រយៈ​ការ​លក់​ដូរ​ឆ្នោត​នេះ​។ ចំណែក​នាគ​នាំ​សំណាង​ ក៏មាន​វត្តមាន​ និង​បាន​ចេញ​ផ្សាយ​រាល់​ថ្ងៃ​នៅ​លើ​កញ្ចក់​ទូរទស្ស​ន៍។ នៅ​ខេត្ត​មួយ​ចំនួន​ដូចជា៖​បាត់​ដំបង​ បន្ទាយ​មាន​ជ័យ សៀមរាប… គេ​និយម​លេខ​ឆ្នោត​ថៃ​។

សូម​បញ្ជាក់​ថា​ គោល​នយោបាយ​ភូមិ​ឃុំ​មាន​សុវត្ថិភាព​មាន​៩ចំនុច​សំខាន់។ គោល​ដៅ​ទី​៥ បាន​កំណត់​អំពី​ការទប់​ស្កាត់​ល្បែង​ស៊ីសង​គ្រប់​ប្រភេទ​នៅ​ក្នុង​ភូមិ​ ឃុំ/សង្កាត់។

ថ្នាំរបស់​​ខ្ញុំ​នៅឯណា?

ឱសថ​គឺ​ជា​ផ្នែក​សំខាន់​មួយ​ដែល​មិន​អាច​ខ្វះ​បាន​ក្នុង​ការ​ព្យា​បាល​ជំងឺ ចុះ​បើ​មាន​តែគ្រូ​ពេទ្យ​ ហើយ​ខ្វះ​ខាតឱសថ​និង​បរិក្ខា​​វិញ​ តើ​គុណ​ភាព​នៃ​ការ​ព្យាបាល​នឹងទៅ​ជា​យ៉ាង​ណា?

មិន​មាន​អ្វី​ពិ​បាក​ឆ្លើយ​នោះ​ទេ អ្នក​ដែល​មាន​លុយ​ត្រូវ​ទៅ​ព្យា​បាល​នៅ​ក្រៅ​ប្រទេស ឬ​ជ្រើស​រើស​ក្លីនិក​ឯក​ជន​ដើម្បី​ព្យាបាល ចំណែក​អ្នក​ដែល​មិន​មាន​ជម្រើស​ត្រូវ​ស្វែង​រក​សេវា​សុខាភិបាល​ដែល​ដំណើរ​ការ​ដោយ​រដ្ឋ។ ជា​រឿយៗ នៅ​ពេល​ដែល​ចូល​ទៅ​កាន់​មន្ទីរ​ពេទ្យ​ ឬ​មណ្ឌលសុខភាព​ អ្នក​ជំងឺ​ទាំងអស់​តម្រូវ​ឲ្យ​បង់​ប្រាក់​ជា​មុន​សិន រួច​អង្គុយ​រង​ចាំ។ ពេល​ពិនិត្យ​រួច ពេទ្យ​ចេញ​វេជ្ជ​បញ្ជាទៅ​ឱសថ​ស្ថានដើម្បី​បើក​ថ្នាំ អ្នក​​បើក​ថ្នាំ​ផ្តល់​ថ្នាំ​តិច​តួច​ប៉ុណ្ណោះ ហើយ​តម្រូវ​ឲ្យ​អ្នកន​ជំងឺ​ទិញ​ថ្នាំ​នៅ​ខាង​ក្រៅ​បន្ថែម (ពេទ្យ​ខ្លះ​ប្រាប់​ទាំងឈ្មោះ​កន្លែង​លក់​ថ្នាំ​ដែល​ត្រូវ​ទៅ​ទិញ​ផង ព្រោះ​មាន​តែ​នៅ​ទី​នោះ​ទេ ទើប​មាន​ថ្នាំ​ប្រភេទ​ហ្នឹង) ដោយ​ប្រាប់​ថា​អត់​មាន​ថ្នាំ។

Ferreស្រប​ពេល​ដែល​ថ្នាំ​ប្រភេទ​ហ្នឹង​គ្មាន​នៅ​ឃ្លាំង​ឱសថ គេ​សង្កេត​ឃើញ​ថ្នាំ​ទាំង​នោះ​មានវត្ត​មាន​​លក់​នៅ​លើ​ទី​ផ្សារ​ទៅ​វិញ ហេតុអ្វី​បាន​ជា​ថ្នាំ​ទាំង​នោះ​ហោះ​ទៅ​នៅ​ទី​ផ្សា​រ​បាន? អ្នក​លក់​ថ្នាំ​ទាំងអស់​បាន​ប្រាប់​ថា ទិញ​ពី​គេ​ តើ​គេ​ជា​នរណា? គ្មាន​នរណា​ឆ្លើយ​បាន។ ឧទាហរណ៍​ ថ្នាំ​ប្រភេទ Ferrous Sulfate+ ដែល​ស្គាល់​ថា​ ថ្នាំ​ជាតិដែក។ ថ្នាំ​នេះ​ត្រូវផ្តល់​ជូន​ស្ត្រី​ដែល​មាន​ផ្ទៃ​ពោះ អ្នក​ដែល​បាត់​បង់​គ្រាប់​ឈាម​ក្រហម អ្នក​ស្លេក​ស្លាំង ហើម ឬ​អ្នកដែល​មានគ្រាប់​ឈាម​ស​ច្រើន​ជាង​គ្រាប់​ឈាម​ក្រហម​… គ្មាន​នៅ​តាម​មណ្ឌល​សុខ​ភាព​ទេ រយៈ​ពេល​ប៉ុន្មាន​ខែ​ចុង​ក្រោយ​នេះ។ អ្នក​ធ្វើ​ការ​នៅ​តាម​មណ្ឌល​សុខភាព​ត្រូវ​ស្វែង​រក​ទិញវា​នៅ​លើ​ទី​ផ្សា​រ ក្នុង​តម្លៃ​ប្រមាណ ៥ ទៅ ៧​ដុល្លា ក្នុង​មួយ​ដប​ដែល​មាន​ចំនួន​១០០០​គ្រាប់។

 

តើ​នរណា​ខ្លះ​ទទួល​ខុស​ត្រូវដោះ​ស្រាយ​បញ្ហា​នេះ?

១. លោករដ្ឋ​មន្ត្រី​ក្រសួង​សុខាភិបាលគួរតែ​ចាត់​វិធាន​ការ​ជាក់ស្តែង​បន្ទាន់​ ដើម្បី​ទប់​ស្កាត់​ស្ថាន​ភាព​អាក្រក់​ទាំង​នេះ និង​ធ្វើ​ឲ្យ​ប្រាកដ​ថា គ្រប់​ឱសថស្ថាននិង​គ្លីនិក​ឯកជន​ទាំងអស់​នឹង​មិន​មាន​វត្តមាន​ឱសថ​ទាំងនេះ

២. ប្រធាន​អង្គភាព​ប្រឆាំងអំពើ​ពុក​​រលួយ​គួរ​តែ​បើក​ការ​ស៊ើប​អង្កេត​បន្ទាន់​ចំពោះភាព​មិន​ប្រក្រតី​នេះ ហើយ​ដាក់​ទោស​ឲ្យ​បាន​ធ្ងន់​ធ្ងរ​ចំពោះ​អ្នក​ដែល​បាន​ចូល​រួម​ក្នុង​សង្វាក់​នៃ​ការ​លួច​ជាតិ​នេះ​

៣. ពល​រដ្ឋ​ទាំងអស់​គួរតែ​រាយការណ៍​ទៅ​ស្ថាប័ន​ពាក់​ព័ន្ធ​ក្នុង​ករណី​ឃើញ​នរណា​ម្នាក់​លក់​ឱសថ​ដែល​បិទ​ស្លាក​ហាម​លក់​នៅ​លើ​ទី​ផ្សា​រ។

៤. សង្គម​ស៊ីវិល​គួរ​តែ​បង្កើត​លេខ​ទូរស័ព្ទ​ទាក់​ទង​បន្ទាន់​មួយ​សម្រាប់​ទទួល​ព័ត៌មាន​ទាំងនោះពី​អ្នក​ផ្តល់​ព័ត៌មាន ហើយ​ត្រូវ​ប្រាកដ​ថា​បញ្ហា​ទាំង​នោះ​ត្រូវ​បាន​ដោះ​ស្រាយ​ប្រកប​ដោយ​ប្រសិទ្ធ​ភាព។

អ្វី​ជា​ការ​ជួញ​ដូរ​មនុស្ស​?

ហេតុអ្វី​បាន​ជា​ការ​ជួញ​ដូរ​មនុស្ស​ជា​អំពើ​ខុស​ច្បាប់? ដោយ​សារ​តែ​អំពើនេះ​មាន​ចែង​ក្នុង​ច្បាប់ ហើយ​ម៉្យាង​ទៀតមនុស្ស​មិន​មែន​ជា​កម្ម​សិទ្ធិរបស់​នរណា​ម្នាក់ រួម​ទាំង​ម្តាយ​ឳពុក ប្តីឬ​ប្រពន្ធ ម្ចាស់​បំណុល។

You-Can-Stop-Human-Trafficking-760x350ការជួញ​ដូរ​មនុស្ស​មាន​ន័យ​ថា ការ​ជ្រើស​រើស​ ដឹក​ជញ្ជូន ផ្ទេរ ផ្តល់​កន្លែង​លាក់​បំពួន ឬ​ការ​ទទួល​យក​មនុស្ស​ដោយមធ្យោបាយ​​គំរាម​កំហែង ឬ​ប្រើ​កម្លាំង ឬបង្ខិត​បង្ខំ តាម​រូប​ភាព​ផ្សេងៗ ដូច​ជា​ការ​ចាប់​ពង្រត់ ក្លែង​បន្លំ​ បោក​បញ្ឆោត​ រំលោភ​លើ​អំណាច ឬ​តួនាទី​លើ​ជន​ងាយ​ទទួល​រង​គ្រោះដោយ​ផ្តល់ និង​ទទួល​យក​លុយ​កាក់ ឬ​ផល​កម្រៃ​ផ្សេងៗ ដើម្បី​ឲ្យ​មាន​ការ​យល់​ព្រមពី​អ្នក​គ្រប់​គ្រង​នៃ​ជន​ណា​ម្នាក់ ក្នុង​គោល​បំណង​ធ្វើ​អាជីវកម្ម។ ការ​ធ្វើ​អាជីវកម្ម​ផ្លូវ​ភេទ​ត្រូវ​រាប់​បញ្ចូល ការ​ធ្វើ​អាជីវកម្ម​ពេស្យាចារ​លើ​អ្នក​​ដទៃ ឬ​ធ្វើ​អាជីវកម្ម​ផ្លូវ​ភេទ​តាមរូប​ភាព​ផ្សេង​ទៀត ការងារ​ដោយ​បង្ខំ សេវា​ទាសភាព ឬ​ការ​អនុវត្ត​ដែល​មាន​លក្ខណៈ​ស្រដៀង​គ្នា​ទៅ​នឹង​ភាព​ជា​អ្នក​បម្រើ​ដាច់​ថ្លៃ។

យោង​ទៅ​លើ​ពិធី​សារ​ប៉ាលេម៉ូ អាច​ទុក​ថា​ជា​អំពើ​ជួញ​ដូរ​មនុស្ស​បានលុះ​ត្រា​ណា​មាន​ធាតុផ្សំ​ចំនួន​បី គឺ៖ អំពើ គោលបំណង និង​មធ្យោបាយ។ អំពើ ជា​សកម្ម​ភាព​ជ្រើស​រើស ដឹក​ជញ្ជូន ផ្ទេរ លាក់​បំពួន នាំចេញ​ទាំង​ឆ្លងដែន ឬ​ក្នុង​ស្រុក ឬ​ស្ម័គ្រ​ចិត្ត ឬ​ចាប់​ពង្រត់…ជាដើម។ គោល​បំណង​ ដើម្បី​កេង​ប្រវ័ញ្ចលើ​មនុស្ស។ មធ្យោបាយ គឺសំដៅ​លើ​ត្រួតត្រា​លើ​មនុស្ស​ដោយ​ប្រើ​ប្រាស់​មធ្យោបាយ​ហឹង្សា​ទៅ​លើ​ជន​រង​គ្រោះ។ ពេល​ខ្លះ​ជន​រង​គ្រោះ​មិន​ត្រូវ​បាន​គេឃុំឃាំងក្នុង​កន្លែង​បិទ​ជិត​ទេ តែ​ពួក​គាត់​ត្រូវ​បាន​គេ​គំរាម​កំហែង​ផ្លូវ​ចិត្ត ឧទាហរណ៍ អ្នក​អាច​ចាក​ចេញ​ពី​កន្លែង​នេះ​បាន តែខ្ញុំ​នឹង​សម្លាប់​ឳពុកម្តាយ ឬ​សាច់ញាតិ​របស់​អ្នក​ជា​ដើម។

នៅ​ក្នុង​ច្បាប់​ស្តី​ពី ការ​បង្រ្កាប​អំពើ​ជួញ​ដូរ​មនុស្ស​និង​អំពើ​កេង​ប្រវ័ញ្ច​ផ្លូវភេទ​ មាត្រា​១០ បាន​កំណត់នូវ​អំពើ​កេង​ប្រវ័ញ្ចរួម​មាន៖ ឈ្លានពានផ្លូវភេទ ផលិតរូបភាពអាសអាភាស រៀបអាពាហ៍ពិពាហ៍ផ្ទុយពីឆន្ទៈ ស្មុំកូន ពេស្យាកម្ម រូបភាពនិងសម្ភារៈអាសអាភាស ពាណិជ្ជកម្មផ្លូវភេទ ពលកម្ម ឬ សេវាដោយបង្ខំ ​ទាសភាព ឬ ការអនុវត្តស្រដៀងគ្នា ការបញ្ចាំខ្លួនដោះបំណុល សេវភាពមិនស្ម័គ្រចិត្ត ពលកម្មកុមារ ការដកហូតសរីរាង្គ។

មនុស្ស​មួយ​ចំនួន​បាន​ចូល​រួមក្នុង​សង្វាក់​នៃ​ការ​ជួញ​ដូរ​មនុស្ស​ដោយ​មិន​ដឹង​ខ្លួន​ អ្នក​ទាំង​នោះ​អាច​ជា៖ ម្ចាស់​សហគ្រាស អ្នក​ដែល​ស្វែង​រក​សេវា​ផ្លូវ​ភេទ អ្នក​ដែល​ឲ្យ​ទាន​ទៅ​កុមារ​ដែល​រងគ្រោះ​តាម​ដង​ផ្លូវ​ឬ​ភោជនីយ៍ដ្ឋាន និង​អ្នក​ដទៃ​ទៀត។ ឈ្មួញជួញ​ដូ​រ​មនុស្ស​អាច​ជា៖​ អ្នក​ស្គាល់​គ្នា សាច់​ញ្ញាត ម្តាយ​ឳពុក មិត្តភក្តិ សង្សារ អ្នក​ធ្វើ​ការ​ងារ​សង្គម​…​​​​ជា​ដើម។

ឧទាហរណ៍៖ ស្រ្តី​ម្នាក់​ដោយសារ​តែ​ភាព​ក្រ នាង​បាន​បញ្ជូន​​កូន​តូច​របស់​ខ្លូន​ឲ្យ​សុំ​ទានតាម​ដង​ផ្លូវ។ នេះ​ជា​អំពើជួញ​ដូរ​មនុស្ស​ ដោយ​សារ​តែ​ស្រ្តី​ម្នាក់​នោះ​បាន​កេង​ប្រវ័ញ្ច​កម្លាំង​ពលកម្ម​របស់​កុមារ​ ហើយ​កុមារ​នោះ​ស្ថិត​ក្នុង​ស្ថាន​ភាព​ដែល​មិន​អាច​គេច​ចេញ​ពី​ការ​គ្រប់​គ្រង​ពី​ស្ត្រី​នោះ​បាន។

ខាងក្រោម​គឺ​ជា​ព័ត៌មាន​ខ្លះនៃ​ការជួញ​ដូរ​មនុស្ស​ជុំ​វិញ​ពិភពលោក៖

  • រៀងរាល់​៣០​វិនាទី​មាន​មនុស្ស​ម្នាក់​ក្លាយ​ជា​ជន​រងគ្រោះ​នៃ​អំពើ​ជួញ​ដូរ​មនុស្ស​
  • ៩៩%​នៃ​ជន​រង​គ្រោះ​មិន​បាន​ត្រូវ​សង្គ្រោះ​ឡើយ​
  • មាន​មនុស្ស​ប្រមាណ​ពី​២ ទៅ​៤​លាន​នាក់​ត្រូវ​បាន​គេ​ជួញ​ដូរ​ឆ្លង​កាត់​ព្រំដែន​ជា​រៀងរាល់​ឆ្នាំ
  • ការ​ជួញ​ដូរ​មនុស្ស​គឺ​ជា​ប្រភព​នៃ​ចំណូល​ដ៏​ធំ​មួយ​នៃ​អង្គការ​ចាត់​តាំងឧក្រិដ្ឋកម្ម ដោយ​រួម​ទាំង​ការជួញ​ដូរ​អាវុធ​និង​គ្រឿង​ញៀន ដែល​មាន​ទឹក​ប្រាក់​សរុប ៩.៥ កោដ​ក្នុង​១ឆ្នាំ[1]
  • ភាគ​ច្រើន​លើស​លប់​នៃ​ជន​រង​គ្រោះ​ដោយ​អំពើ​ជួញ​ដូរ​មនុស្ស​គឺ​ជា​ស្រ្តី​ និង​កុមារ
  • គិត​ជា​មធ្យម​ស្ត្រី​រងគ្រោះ​ត្រូវ​គេ​ដាក់​ឲ្យ​បម្រើ​ផ្លូវ​ភេទ​ជា​មធ្យម​២០​ដង​ក្នុង​មួយថ្ងៃ​
  • តាម​ការ​គណនា​របស់ CIA ឃើញ​ថា ជន​រងគ្រោះ​ជា​ស្រ្តី​ម្នាក់​ដែល​ត្រូវ​បាន​គេជួញ​ដូរ​អាច​រកចំណូល​បាន​ប្រមាណ​២៥០០០០ ដុល្លាសហរដ្ឋ​អាមេរិក[2]
  • ​កុមារ​ត្រូវ​បាន​គេ​ចាប់​ពង្រត់​ពី​ទី​ជន​បទ​ ដើម្បី​កេង​ប្រវ័ញ្ច​ក្នុង​វិស័យ​ការងារ​ដោះ​បំណុល កេង​ប្រវ័ញ្ច​ផ្លូវ​ភេទ រៀបការ ការ​ស្មុំ​កូន​ដោយ​ខុស​ច្បាប់ និង​សុំ​ទាន
  • ក្មេង​ស្រី​ ដែល​ក្មេង​ស្រី​ខ្លះ​អាយុ​តិចជាង​១២​ឆ្នាំ ត្រូវ​បាន​គេ​បង្ខំ​ឲ្យ​ធ្វើ​ការ​នៅ​ផ្ទះ​បន កន្លែង​ម៉ាស្សា​ ពេស្យាចារ រង្គសាល​រាំស្រាត ឬ​ជា​កម្ម​វត្ថុនៃ​ការ​ផលិត​សម្ភារៈ​អាសអាភាស
  • កុមារ​មួយ​ចំនួន​ត្រូវ​ជ្រើស​និង​ជួញ​ដូរ​ក្នុង​ការ​ងារ​លក់​ទំនិញ​ឬ​សុំ​ទាន
  • កុមារ​សុំ​ទាន​ពេល​ខ្លះ​ត្រូវ​អ្នក​កេង​ប្រ​វ័ញ្ចបង្ក​របួស​ស្នាម និង​​​ធ្វើ​ឲ្យ​មានពិការ​ភាព ដើម្បី​ងាយ​រក​ប្រាក់​ពី​អ្នក​ឲ្យ​ទាន[3]
  • ភាគ​ច្រើន​នៃ​ជន​រងគ្រោះ​ដោយ​អំពើ​កេង​ប្រវ័ញ្ចផ្លូវ​ភេទ និង​ទាសភាព​សម័យ​ទំនើប​ មាន​អាយុ​ក្រោម​១៨​ឆ្នាំ[4]
  • ក្នុង​ចំណោម​ជន​រងគ្រោះ​៧៥០០០​នាក់ មាន​តែ​ជន​ល្មើស​ម្នាក់​គត់​ដែល​ត្រូវ​បាន​ចាប់​ខ្លួន[5]
  • កុមារ ៣០០០០០ នៅ​សហរដ្ឋ​អាមេរិក​ប្រឈម​មុខ​នឹង​ការ​កេង​ប្រវ័ញ្ច​ក្នុង​ឧស្សាហកម្ម​ផ្លូវ​ភេទរៀង​រាល់​ឆ្នាំ
  • មាន​ជន​បរទេស​ប្រមាណ១៤៥០០ ទៅ​១៧៥០០ ត្រូវ​បាន​គេជួញ​ដូរ​ចូល​ទៅ​ក្នុង​សហរដ្ឋអាមេរិកក្នុង​មួយឆ្នាំៗ។ ចំនួន​ពលរដ្ឋ​អាមេរិក​ដែល​បាន​ជួញ​ដូរ​ក្នុង​ប្រទេស​នៅ​តែ​​មាន​ចំនួន​ច្រើន តាម​ការ​ប៉ាន់​ប្រមាណ​មាន​កុមារ​អាមេរិក​ចំនួន​២០០០០០​នាក់​ប្រឈម​មុខ​និង​ការ​ជួញ​ដូរ​ក្នុង​ឧស្សាហកម្ម​ផ្លូវ​ភេទ[6]
  • ក្នុង​ចំណោម​កុមារ​ ២.៥ លាននាក់​ ដែល​ភាគ​ច្រើន​ជា​ក្មេង​ស្រី ត្រូវ​បាន​គេ​កេង​ប្រវ័ញ្ច​ផ្លូវ​ភេទបាន​រាប់​កោដ្ឋ​ដុល្លា​សហរដ្ឋ​អាមេរិក​ ពី​ឧស្សាហកម្ម​ផ្លូវ​ភេទ

 

 

 

ឯកសារ​យោង៖

[1] របាយការ​ណ៍​ស្តី​ពី​ការជួញ​ដូរមនុស្ស​របស់​សហរដ្ឋអាមេរិក​ ឆ្នាំ​២០០៧

[2] Trafficking in Persons: U.S. Policy and Issues for Congress, 2007

[3] www.thea21campaign.org

[4] www.un.org/News/briefings/docs/2009/090212_UNODC.doc.htm

[5] www.onevoicetoendslavery.com

[6] របាយ​ការណ៍​របស់​ក្រសួង​យុត្តិធ៌ម​អាមេរិក //U.S Department of Justice Report to Congress from Attorney General John Ashcroft on U.S. Government Efforts to Combat Trafficking in Persons

Volunteer Opportunity

Seeking youth, 18-29 years old, to be part of our cross-cultural youth volunteer programme

multiculture-friendsDo you want to make a real difference in some of Cambodia’s poorest communities? Now is your chance to become part of VSO’s worldwide volunteering experience International Citizen Service (ICS).

In Cambodia, ICS runs projects in the north-eastern part of the country.  Together with 12 other young Cambodians, you will spend three months working alongside twelve youth from the United Kingdom (UK) in a team to tackle issues that really matter to the local community. We are currently recruiting for our next cycle, which will start in march 2015. Please visit http://www.volunteerics.org/vso-cambodia for more information on the program.

ICS is an opportunity to develop valuable life skills and gain some amazing experiences. As an ICS volunteer, you will:

  1. Develop skills in English language, teamwork, communication, monitoring and evaluation, problem-solving, leadership, (project) management, facilitation, presentation skills, field work, and writing reports
  2. Live alongside a counterpart from the UK in a host home in the community and gain more understanding about cross culture communication
  3. Receive a monthly allowance of $US 128 (plus medical insurance and accommodation)
  4. Receive a certificate of completion at the end (useful for your future career)

To apply you will need to be:

  1. 18-29 years of age
  2. Flexible, open-minded and with a strong commitment to learning
  3. Healthy, fit, and able to commit to an active 3 month volunteering experience
  4. Have basic verbal English language skills and be willing to improve during the programme
  5. Able to commit to be away from home and participate full time in the programme for  12 weeks

 

Volunteer Now! 

We have projects starting in 11 Jun 2015. 

Deadline for applications is 5pm​ 10 May 2015

Click here for the online application form in Khmer

Click here for the online application form in English

Contact Mr. Leap Chetra by email ics.cambodia@vsoint.org

or phone 012 21 61 33 (working hour: 7am-5pm, Monday-Friday).

CHALLENGE YOURSELF TO CHANGE THE WORLD!

VSO is the world’s leading international development charity that works through volunteers to fight poverty in developing countries. VSO has been working in Cambodia since 1991.  We bring people together to share skills, build capacities, and promote solidarity, understanding and action to change lives to build a fairer world.

ការងារ​ស្ម័គ្រ​ចិត្ត

ដំណឹងជ្រើសរើស​យុវជន ដែលមានអាយុចាប់ពី 18-29 ឆ្នាំ ដើម្បីធ្វើការក្នុង​​​​​​​​កម្មវិធី យុវជនស្ម័គ្រចិត្តចម្រុះវប្បធ៌ម­

multiculture-friendsតើអ្នកចង់ធ្វើឲ្យមានការផ្លាស់ប្តូរនៅក្នុងសហគមន៍ក្រីក្រដែរឬទេ?​ ឥទ្បូវនេះជាឱកាសក្នុងការទទួលយកបទពិសោធន៍​ស្ម័គ្រចិត្តក្នុងកម្មវិធីប្រជាពលរដ្ឋសកល (ICS) របស់អង្គការVSO។​ នៅកម្ពុជា​ ICS​  ដំណើរការគម្រោងនៅភូមិភាគ​ឦសាននៃប្រទេសកម្ពុជា។​ យុវជនកម្ពុជា​ចំនួន​ ១២នាក់​ នឹងធ្វើការ​ជាក្រុមរយៈពេល​ ៣ខែ ជាមួយយុវជន ១២នាក់ ដែលមកពីចក្រភពអង់គ្លេស ក្នុងការ​ដោះស្រាយរាល់បញ្ហាផ្សេងៗ​ដែល​ប៉ះពាល់ដល់សហគមន៍។​ យើងកំពុងជ្រើសរើស អ្នកស្ម័គ្រចិត្តសម្រាប់វគ្គដែលចាប់ផ្តើមក្នុង ខែមីនា ឆ្នាំ២០១៥។ ព័ត៌មានបន្ថែមនៃកម្មវិធីសូមចូល http://www.volunteerics.org/vso-cambodia

ICS គឺជាឱកាស​តែមួយគត់ ដើម្បី​អភិវឌ្ឍនូវ​ជំនាញ​ជីវិត ហើយទទួលបាន​នូវបទពិសោធន៍​ដ៏អស្ចារ្យ។

អ្នកស្ម័គ្រចិត្ត ICS នឹងទទួលបាន៖

  1. ការអភិវឌ្ឍន៍ជំនាញ ភាសាអង់គ្លេស ក្រុមការងារ ការទំនាក់ទំនង ការតាមដាន និង វាយតម្លៃ ការដោះស្រាយបញ្ហា ភាពជាអ្នកដឹកនាំ ការគ្រប់គ្រង​ (គម្រោង) ការសម្របសម្រួល ការធ្វើបទបង្ហាញ ការងារក្នុងសហគមន៍ និង ការសរសេររបាយការណ៍
  2. ការរស់នៅក្នុងផ្ទះសហគមន៍ជាមួយដៃគូ ដែលមកពីចក្រភពអង់គ្លេស និង យល់ដឹងពីទំនាក់ទំនងចំរុះវប្បធ៌ម
  3. ទទួលបានប្រាក់ឧបត្ថម្ភចំនួន ១២៨ដុល្លារ​ ក្នុងមួយខែ​ (រួមទាំងធានារាប់រងសុខភាព និងការស្នាក់នៅ)
  4. ការទទួលបានវិញ្ញាបនបត្រ នៅពេលបញ្ចប់​ (មានសារៈសំខាន់សម្រាប់ការងារនៅថ្ងៃក្រោយ)។

 

ដើម្បីដាក់ពាក្យបាន អ្នកត្រូវមានលក្ខណៈសម្បត្តិដូចខាងក្រោម ៖

  1. អាយុចាប់ពី 18-29​ឆ្នាំ
  2. មានភាពបត់បែន មានគំនិតទូលំទូលាយ និង​មានឆន្ទៈខ្ពស់ក្នុងការរៀនសូត្រ
  3. មានសុខភាពល្អ​ និង​​មានឆន្ទៈយ៉ាងសកម្មក្នុងបទពិសោធន៍ការងារស្ម័គ្រចិត្ត រយៈពេល 3ខែ
  4. អាចនិយាយភាសាអង់គ្លេសកម្រិតមូលដ្ឋាន ព្រមទាំងមានឆន្ទៈក្នុងការអភិវឌ្ឍបន្ថែមក្នុងកំទ្បុង​​កម្ម​វិធី
  5. មានឆន្ទៈទៅឆ្ងាយពីផ្ទះ ហើយចូលរួមពេញម៉ោងក្នុងកម្មវិធីរយៈពេល 12សប្តាហ៍

 

សូមធ្វើការស្ម័គ្រចិត្តឥឡូវនេះ!

គម្រោងនឹងចាប់ផ្តើមដំណើរការនៅថ្ងៃទី១១ ខែមិថុនា ឆ្នាំ២០១៥។

ថ្ងៃផុតកំណត់នៃការទទួលពាក្យគឺ ថ្ងៃទី ១០ ខែឧសភា ឆ្នាំ២០១៥ វេលាម៉ោង ៥.00 ល្ងាច

ចុចសម្រាប់ទំរង់ពាក្យជាភាសាខ្មែរ

ចុចសម្រាប់ទំរង់ពាក្យជាភាសាអង់គ្លេស

 

ប្រសិនបើអ្នកមានចំណាប់​អារម្មណ៍​ក្នុងការដាក់ពាក្យ ឬត្រូវការព័ត៌មានបន្ថែម សូមអញ្ជើញ​ទំនាក់ទំនងមកកាន់៖ លោក លាភ ចិត្រា តាមរយៈអ៊ីម៉ែល ៖ ics.cambodia@vsoint.org ឬតាមទូរស័ព្ទលេខ ៖ 012 21 61 33 (ម៉ោងធ្វើការ៖​ ៧:០០ព្រឹក​ទៅ ៥:០០ល្ងាច ពី ថ្ងៃច័ន្ទទៅថ្ងៃសុក្រ)

អង្គការ វី អេស អូ នៅកម្ពុជាផ្តល់គុណតម្លៃ និងលើកកម្ពស់ភាពចម្រុះជាតិសាសន៍!

 

សូមធ្វើការពុះពារខ្លួនអ្នក ដើម្បីផ្លាស់ប្តូរពិភពលោក!

VSO គឺជាអង្គការសប្បុរសធ៌ម​សម្រាប់ការអភិវឌ្ឍន៍អន្តរជាតិនាំមុខគេលើសកលលោក ដែលធ្វើការតាមរយៈអ្នកស្ម័គ្រចិត្ត ​ដើម្បីប្រយុទ្ធប្រឆាំង​នឹងភាពក្រីក្រ នៅក្នុងប្រទេសកំពុងអភិវឌ្ឍ។ VSO​ បានបំពេញការងារក្នុងប្រទេសកម្ពុជាតាំងពីឆ្នាំ1991។ ​យើងនាំមនុស្សមកជួបគ្នាដើម្បីចែក​រំលែកជំនាញ,​ កសាងសមត្ថភាព, ពង្រឹងភាពសាមគ្គី, ការយល់ដឹង និងសកម្មភាពផ្សេងៗ ក្នុងការផ្លាស់ប្តូរការរស់នៅ ដើម្បីបង្កើតពិភពលោក​មួយដែលមានសមត្ថភាព។

ជេរ ជាកំណត់​ត្រា​ពិភព​លោក​ថ្មី​របស់​កម្ពុជា

Guinessថ្ងៃ​នេះ​ខ្ញុំ​បាន​អាន​អត្ថ​បទ​ដែល​គេ​បាន​ចែក​រម្លែក អំពី​ឯកក្តកម្ម​ពិភព​លោក​ដែល​កម្ពុជា​បាន​បំបែក​មាន​មាន​ចំនួន៥ ហើយ​ឆ្នាំ​២០១៥​ ទទួល​បាន​ចំនួន​២​ទៀតគឺ​អន្សោមយក្ស និង​ក្បាច់​រាំ​ម៉ាឌីហ្សន់។ ខ្ញុំ​ចេះ​តែ​គិត​ថា កម្ពុជា​គួរតែ​ទទួលបាន​នូវ​ឯកក្កតកម្ម​ថ្មី​មួយ​ទៀត គឺ ​ជេរនិង​ប្រើ​ពាក្យ​មិនសម​រម្យ។ អ្នក​នយោបាយ​ខ្មែរ និង​សកម្ម​ជន​របស់​ខ្លួន​គួ​រតែ​ទទួល​បាន​នូវ​រង្វាន់នៃឯកក្តកម្ម​ពិភពលោក (Guinness World Record)ដែរឬទេ?

  • គណបក្ស​ប្រជាជន​កម្ពុជា (CPP)

ពេល​ដែល​ចាប់​ក្បាល​មេ​ក្រូ​និយាយ​ម្តងៗ ប្រមុខ​បក្ស​ម្នាក់​នោះ​តែងតែ​និយាយ​ពាក្យ​ ហ្អែង អញ អានេះអានោះ មីនេះ​មីនោះ ហើយ​ពាក្យ​ទាំងនោះ​បាន​បន្ត​ដល់​អ្នក​គាំទ្រ​របស់​ខ្លួន រាប់​ទាំង​សិល្បៈករ ក្រុម​និស្សិត។ ពាក្យ​ដែល​ពួក​គេ​និយម​ប្រើ​ប្រាស់​គឺ អាពូជ​ក្បត់ជាតិ អាផ្កាប់​មុខ អារមើល​គុណ សង្ឃ​នយោបាយ សង្ឃជ័រ និង​ពាក្យ​អសរសផ្សេងៗ​ទៀត​ផង… ម្តងម្កាល​គេ​ឃើញ​ទាំង​មន្ត្រី​ប្រដាប់​អាវុធ​ចេញ​មុខ​ចេញមុខ​មក​ជេរ និង​បង្ហាញ​អាវុធ​យ៉ាងអនាធិបតេយ្យ។ ចំនុច​ល្អ​របស់​ពួក​គេគឺ គាំទ្រ​សម្តីនិងអនុសាសន៍​របស់​ប្រមុខបក្ស​គ្មាន​ងាករេ ទោះបី​ជា​សម្តី​ខុស​ក៏ដោយ។

  • គណបក្ស​សង្គ្រោះជាតិ (CNRP)

មិន​ថា​តែ​ប្រមុខ​បក្ស ឬ​អ្នក​គាំទ្រ​ទេ ពាក្យ​ដែល​ពួក​គេ​និយម​នោះ​គឺ អាយួន អាយ៉ង អាក្បត់​ជាតិ អាលក់ក្បាលឲ្យបរទេស សង្ឃ​៧មករា…។ អ្នក​ដែល​មិន​ស្រប​នឹង​ឆន្ទៈ​របស់​ពួក​គេ​ ត្រូវ​គេហៅ​ថា​ យួន ឬ​អាលក់ក្បាល អ្នក​ដែល​ស្របនឹង​ខ្លួន​ត្រូវ​បាន​លើក​តម្កើង​ស្មើ​ព្រះ។ តែ​មាន​ចំនុច​ល្អ​មួយ​ គឺ​ពួកគេ​ហ៊ាន​រិះ​គន់​ប្រមុខ​ដឹក​នាំរបស់​ពួក​គេ។

  • គណបក្ស​សម្ព័ន្ធដើម្បី​ប្រជាធិបតេយ្យ (LDP)

ពាក្យពេញនិយម​របស់ក្រុម​នេះគឺ អាអាចម៍ អាសំគិស អាឈាមឆ្កែ អាឈាមកប់ អញ ហ្អែង អញជេរទាល់​តែ​រួញ… ត្រូវ​បាន​លឺ​ពេញ​បណ្តាញ​សង្គម​ដ៏​​ពេញ​និយម ទូរទស្សន៍ និង​វិទ្យុ។ ក្រុម​នេះ​តែងតែ​ទុក​អ្នក​ដែល​មិន​ស្រប​ខ្លួន​ថា​មិនយល់ និង​មាន​បេះដូង​មិន​បរិសុទ្ធ តែ​ជាក់​ស្តែង​ក្រុម​នេះ​និយាយ​ស្តី​មិន​មានហេតុ​ផល​ ចេះ​តែ​ជេរ​និង​ថា​តាម​គេ សូម្បី​តែ​ព្រះ​សង្ឃ​ក៏មិន​លើក​លែង។ ក្រុម​នេះ​ប្រសិន​បើ​នរណាម្នាក់​ហ៊ាន​ចេញ​មុខ​រិះ​គន់​ ពួក​គេ​នឹងនាំគ្នា​ទៅ​ជេរ​ដូច​ហ្វូងចចក​ព័ទ្ធ​ចំណី។ ចំនុចល្អ​របស់​ក្រុម​នេះ​គឺ​ ពូកែសូត្រ​តាម​គ្នា​ដូច​សេក!

 

តើ​មាន​អ្នក​នយោបាយ​ ឬ​អ្នក​ដឹក​នាំ​ប្រទេស​ណាខ្លះ​ដែល​មាន​ចរិក​លក្ខណៈ​ដូច​នេះ? មើល​ទៅ​មាន​តែ​កម្ពុជា​ទេ​ ដែលសម្បូរ​ជន​ប្រភេទ​នេះ ដូច្នេះ​សម​ណាស់​ដែល​កម្ពុជា​ គួរតែ​ទទួល​បាន​ កំណត់​ត្រា​ថ្មី​មួយ​នេះ!

ស៊ីតាម​ជំនាញ មាន​តាម​ចំណង់

bribeនៅ​កម្ពុជា ការ​ផ្តល់​សំណូក​ស្ទើ​តែ​​ជា​រឿង​ធម្មតា​ទៅ​ហើយ​សម្រាប់​ពល​រដ្ឋ​ដែល​ប្រើ​ប្រាស់​សេវា​សាធារណៈ​របស់​រដ្ឋ ដូចជា​៖ ការ​ចុះ​ឈ្មោះ​កូន​ចូល​រៀន សុំ​ហត្ថលេខា​ពី​មេឃុំ ឬ​កិច្ច​ការងារ​ដទៃ​ទៀត។ អំពើ​សូក​មាន​រូប​ភាព​ខុស​ៗ​គ្នា ខ្លះ​ជា​ការ​តបស្នង​សង​គុណដែល​បាន​ជួយ​ ខ្លះ​គេ​ហៅ​ថាសណ្តាន​ចិត្ត ខ្លះ​ហៅ​ថា​ថ្លៃ​រត់​ការ ខ្លះ​ហៅ​ថាថ្លៃ​ទឹក​តែ ខ្លះ​ហៅ​ថា​​ថ្លៃ​គុយ​ទាវ​ កាហ្វេរ ខ្លះ​ហៅ​ថា​ថ្លៃ​សាំង​ទៅ​ស៊ី​ញ៉េ​​…ជាដើម។

ប្រសិន​បើ​អ្នក​ទៅ​សាលា​ឃុំ ឬ​សាលា​សង្កាត់​ណាមួយ​ (មិន​ទាំង​អស់​នោះ​ទេ) អ្នក​នឹង​ជួប​នូវ​ហេតុការ​មួយ​គឺ ខុស​មិន​ចេះ​ចប់ ខុស​ដោយ​គ្មាន​ហេតុ​ផល ឬ​មេឃុំ/ចៅ​សង្កាត់​មិន​នៅ ហើយ​ចុង​ក្រោយ​អ្នក​នឹង​ទទួល​បាន​ការ​ណែនាំ​ថា ឲ្យ​គេ​ជួយ​រៀប​ចំ​ឲ្យ​ទៅ ហើយ​ឲ្យ​ថ្លៃ​គុយ​ទាវ​ កាហ្វេរ​គេ​ខ្លះ​ទៅ ចាំ​បាច់​នាំ​លំ​បាក​ធ្វើ​អ្វី។

ឧទាហរណ៍៖ ប្រជា​ពលរដ្ឋ​ម្នាក់​ត្រូវ​ការ​ខ្ចី​លុយ​ពី​ធនាគារ​ដើម្បី​ធ្វើ​ដើម​ទុន គាត់​ត្រូវ​ជួប​ធនា​គារ​ដើម្បី​ខ្ចី​បំណុល​ពី​ធនាគារ ឯកសារ​ផ្លូវ​ច្បាប់​ត្រូវ​បាន​តម្រូវ។ ពេល​ដែល​គាត់​យក​ឯកសារ​ទៅ​សុំ​ការទទួល​ស្គាល់​ពី​អាជ្ញាធរ​ដែន​ដី បែរ​ជា​ត្រូវ​គេ​ទា​ថ្លៃ​រៀប​ចំ​និង​ត្រួត​ពិនិត្យ​ឯកសារ (សង្កាត់​ខ្លះ ២០​ដុល្លា ខ្លះ​៣០​ដុល្លា ខ្លះ​៥០ដុល្លា ដោយ​មិន​រាប់​បញ្ចូល​មេភូមិ​នោះ​ទេ)។ ពួក​គាត់​ក្រ ត្រូវ​ការ​លុយ​ពី​ធនាគារ​ដើម្បី​ធ្វើ​ដើម​ទុន ហេតុ​អ្វី​បាន​ជា​លើក​ដៃ​យក​លុយ​ពី​ពួក​គាត់ទៅ​កើត?

ប្រសិន​បើ​យើង​ងាក​ទៅ​ខាង​ផ្នែក​បណ្តុះ​បណ្តាល​វិញ ចាប់តាំង​ពី​ថ្នាក់​ទី​១​ទៅ សិស្ស​ត្រូវ​កាន់​លុយ​ទៅ​សូក​គ្រូរៀង​រាល់​ថ្ងៃ​ ចាប់​ពី​៥០០​រៀល ទៅ​១៥០០​រៀល ឬ​លើស​ពី​នេះ​ ក្រោម​ហេតុ​ផល​បង់​គួរ​ឲ្យ​គ្រូ ដែល​នេះ​មិនរាប់​បញ្ចូល​ការរៃអង្គាស​ផ្សេងៗ និង​ការ​សូក​លុយ​ដើម្បី​ឡើង​ថ្នាក់ឬ​លុប​ចំនួន​អវត្ត​មាន​ឡើយ។ អ្នក​ដែល​មាន​ជីវភាព​ធូរធាមួយ​ចំនួន​បាន​ជូន​លុយ​ ឬ​សម្ភារៈប្រើ​ប្រាស់នៅ​ចុង​ខែ ឬក្នុង​វេលា​បុណ្យទាន​ ជាថ្នូរ​នឹង​ការ​ខិតខំ​មើល​ថែ​កូន​ៗ ដែលពួក​គេ​បានផ្ញើ​។ ពិបាក​បន្ទោស ព្រោះ​ប្រាក់​ខែ​ដែល​គ្រូ​ទទួល​បាន​មិន​ទាន់ឆ្លើយ​តប​តម្រូវ​ការ​ចំណាយ​លើទីផ្សារ​បច្ចុប្បន្ន។

ប្រាក់​ខែចាយ​មិនគ្រប់  បើនិយាយ​ពី​ប្រាក់​ឩបត្ថម្ភ​កូននិង​ប្រពន្ធ​វិញមិន​បាច់​ថ្លែងទេ បើក​ម្តង​ទិញ​គុយទាវមួយ​ចាន​មិន​បាន​ផង (៧០០០​រៀល​ សម្រាប់​ប្រពន្ធ និង​៥០០០​រៀល​សម្រាប់​កូន)

មិន​ត្រឹម​តែ​ការទទួល​សេវា​សាធារណៈប៉ុណ្ណោះ​ទេ ដោយ​ឡែកនៅ​តាម​ដង​ផ្លូវវិញ ប៉ូលីស​ចរាចរ​ធ្វើ​ការងារ​យ៉ាង​សកម្ម​ក្នុង​ការ​ផាក​ពិន័យ​ដល់​អ្នក​ដែល​ធ្វើ​ដំណើរ​រំលោភ​ច្បាប់ តែ​ការ​សម្រួល​ចរាចរវិញ​ហាក់ដូច​មិន​សូវ​ជាអើពើ​ខ្លាំងណាស់​ណា​នោះ​ទេ។ ជារឿយ​គេ​តែង​សង្កេត​ឃើញថា ប៉ូលីស​ចរាចរ​ចូល​ចិត្ត​ផាក​អ្នក​ពិន័យ​អ្នក​ដែលជិះ​ម៉ូតូ ឬរថយន្ត​មិនសូវ​ទំនើប​ ជាងរថយន្ត​ទំនើបៗ​ ពេលខ្លះថែម​ទាំងជួយ​សម្រួល​ចរាចរ​ដល់​រថយន្ត​ទំនើ​ប​ៗខណៈដែលពួក​គេ​បើកបរ​ខុស​គន្លងផ្លូវ​ (បើកបញ្ច្រាស់)។ បើនិយាយ​ពី​ការ​ផាកវិញ គឺ​ទាមទា​រកប់ពពក ហើយ​មាន​ម្នាក់​ជាអ្នក​ជួយ​សម្រួល បង់លុយ​រួច​មិន​ផ្តល់​វិក័យ​ប័ត្រ។ ប្រសិន​បើ​ជួប​អ្នក​មក​ពី​ចំងាយ ដែលនិយម​ហៅថាអ្នក​ស្រែ វិញ​នោះ ក្រុម​ប៉ូលីស​ទាំងនោះ​សំឡុត​ស្ទើរតែ​ដក​ដង្ហើម​មិន​រួច។

កាល​ពី​ចូល​ឆ្នាំ​ថ្មី​ប្រពៃ​ណី​ជាតិ​កន្លង​ទៅ​ថ្មី​ៗ​នេះ ក្រុម​ប៉ូលីស​ដែល​ឈរជើង​តាម​ច្រក​ចេញ​រាជ​ធានីភ្នំពេញ​រក​លុយ​បាន​ច្រើន​ណាស់ពី​អ្នក​បើកបរ​រថយន្ត​ឈ្នួលដឹកមនុស្ស​សំពីងសំពោង។ ពួក​គេ​មិន​ខ្វល់​ពី​ការអនុវត្តច្បាប់ មិនខ្វល់​ពី​គ្រោះ​ថ្នាក់ ខ្វល់​តែ​មួយ​គត់​គឺ​លុយ។

ចំណែក​អង្គការ​មិន​មែន​រដ្ឋាភិបាល​ខ្លះ​ក៏​មិន​អន់​ដែរ ពួក​គេ​បាន​ព្រួត​ដៃ​គ្នា​កិប​កេង​ប្រាក់​ជំនួយ​យ៉ាង​ច្រើន​សន្ធឹក​សន្ធាប់ តាម​រយៈការក្លែង​បន្លំបញ្ជីរឬ​វិក័យប័ត្រ តំឡើង​តម្លៃ​ទំនិញ​ ទិញ​ទំនិញ​គ្មាន​គុណ​ភាព​ក្នុង​តម្លៃខ្ពស់ កិបកេង​ថ្លៃអាហារ​សម្រាប់​ផ្គត់​ផ្គង់​ក្រុម​គោល​ដៅ ជាដើម។ ស្ថាប័ន​ខ្លះ​ត្រូវ​គេ​ហៅ​ថា អង្គការ​គ្រួសារ ព្រោះ​មាន​ម្តាយ​ជា​ប្រធាន​កូន​ជា​ប្រធានកម្ម​វិធី អាចក្មួយ​ជាអ្នក​កាន់​បញ្ជី​ចំណាយ និង​សាច់​ញ្ញាត​ដទៃ​ទៀត​ជា​អ្នក​កាន់​ការងារ​សំខាន់ៗ។

ក្នុង​នាម​ជា​ពលរដ្ឋ​ ជាកោសិការ​របស់​សង្គម​មួយ​នេះ​យើង​ត្រូវ​ឆ្លើយ​ទេ ចំពោះ​អំពើ​ពុករលួយ​ សូក​ប៉ាន់ និង​រាយការណ៍​បន្ទាន់​ទៅ​អង្គភាព​ប្រឆាំងអំពើ​ពុក​រលួយ​។ តាម​ដាន​រាល់​ដំណើរ​ការ​នានា​របស់​មន្ត្រី​រដ្ឋាភិបាល​ក្នុង​កំឡុងពេល​បំពេញ​អាណត្តិការងារ​របស់​គាត់។ រាល់​ការ​ផាក​ពិន័យ ឬ​ការចំណាយ​នានា ត្រូវ​តែ​ទាមទារ​វិក័យ​ប័ត្រ។

រដ្ឋាភិបាល​វិញ​គួរ​តែ​ចាត់​វិធាន​ការ​តឹង​រឹង​ចំពោះមន្ត្រី​ណាដែល​ប្រព្រឹត្តិ​អំពើ​ពុក​រលួយ។ ក្រសួង​អប់រំ យុវជន​ និងកីឡា គួរតែ​ជាលុប​បំបាត់​អំពើពុករលួយ​នេះឲ្យ​បាន​ ព្រោះ​ជាស្ថាប័ន​គម្រូរ​ ហើយសិស្ស​ត្រូវ​ស្ថិត​ក្នុង​សាលារៀន​ច្រើន​ជាង​១២​ឆ្នាំ ដូចនេះ​បើសាលា​បង្ហាត់​កុមារ​ឲ្យ​ចេះ​ពុក​រលួយ​ តើ​យើង​អាច​ជឿបាន​ទេ​ថា កុមារទាំងនោះ​នឹង​ប្រឆាំងអំពើរ​ពុក​រលួយ​ នៅ​រយៈ១៦​ឆ្នាំ​បន្ទាប់​?

 

រូប​ភាព​ដោយ៖ http://alfredmeier.me/2013/06/14/cambodian-cpp-absent-from-event-against-corruption/

Child Begging

English version below KH version

11076824_1585458721737769_9008319020066369011_oក្នុងឃុំត្នោត និងឃុំចាន់ទ្រា ក្នុងខេត្តស្វាយរៀង កុមារ១០០នាក់ត្រូវបានបញ្ជូនឲ្យទៅសុំទានក្នុងប្រទេសវៀតណាមកាលពីឆ្នាំមុន។ ចំនួននៃការបញ្ជូនកុមារមានការធ្លាក់ចុះនៅដល់ទៅ២៦នាក់ក្នុងឆ្នាំនេះ បន្ទាប់ពីការធ្វើការរយៈពេលមួយឆ្នាំរបស់គម្រោងប្រយុទ្ធប្រឆាំងអំពើជួញដូរមនុស្សទៅលើការសម្របសម្រួលការគាំទ្រ ការលើកកម្ពស់ការយល់ដឹង និងជីវភាពរស់នៅ។ ក្នុងអំឡុងពេលចូលឆ្នាំចិន ក្នុងមួយថ្នាក់ៗ មានកុមារប្រហែលជា២ឬ៣នាក់ប៉ុណ្ណោះដែលអវត្តមានពីការសិក្សា ខណៈដែលនៅក្នុងឆ្នាំ២០១៣ និង២០១៤ កុមារដែលមិនទៅសាលាមានរហូតចាប់ពី១០ ទៅ១៥នាក់ក្នុងមួយថ្នាក់។ អត្រានៃការត្រួតថ្នាក់បានធ្លាក់ចុះពីមួយឆ្នាំទៅមួយឆ្នាំ ចាប់ពី៨% ក្នុងឆ្នាំ២០១៣ និង៦% ក្នុងឆ្នាំ២០១៤ ហើយនិង៤% ក្នុងឆ្នាំ២០១៥។

10986648_1588455484771426_6949560665005784486_o

In Thnaot and Chantrea communes of Svay Rieng province 100 children were sent to beg in Vietnam last year. After one year of CTIP work on coordinated support, awareness and livelihood, the number dropped to 26 this year. During the Chinese New Year, only around 2 to 3 students per class were absent from school, while up to 10 to 15 per class missed school in 2013 and 2014. Class repetition rate reduced year to year from 8% in 2013, 6% in 2014 and 4% in 2015.

Source: https://www.facebook.com/CTIP2?fref=ts